კონკურსის წესდება

თ. ამირეჯიბის სახელობის პიანისტთა III საერთაშორისო კონკურსი ბორჯომში
20-25 ივნისი, 2019 წელი

დამფუძნებელი - კლასიკური მუსიკის განვითარების ფონდი

კონკურსის ჩატარების პირობები
1. თ. ამირეჯიბის სახ. პიანისტთა II საერთაშორისო კონკურსი ჩატარდება ბორჯომში 2019 წლის ივნისში.
2. კონკურსი ტარდება ოთხ ასაკობრივ კატეგორიაში. მასში მონაწილეობის მიღება შეუძლია ნებისმიერი ქვეყნისა და ეროვნების წარმომადგენელს.
3. ყველა მოსმენა საჯაროა.
4. პროგრამა სრულდება ზეპირად.
5. წარმოდგენილ პროგრამებში ცვლილებები დაუშვებელია.
6. საბუთების გამოგზავნის ბოლო ვადაა 2019 წლის 20 მაისი.
7. სასურველია ყველა კონკურსანტი დაესწროს გახსნის ცერემონიალს.
8. კონკურსანტმა, უნდა შეავსოს განაცხადის ფორმა კონკურსის ვებ-გვერდზე: www.borjomicompetition.ge, უნდა წარმოადგინოს დაბადების მოწმობის/პირადობის მოწმობის ან პასპორტის ასლი, გადახდის ქვითრის ასლი და უახლესი ფერადი ფოტოსურათი ზომით არანაკლებ 3000x3400 პიქსელი, jpg ფორმატი.
9. მონაწილეთა გამოსვლის თანმიმდევრობას გადაწყვეტს კენჭისყრა. ეს თანმიმდევრობა შენარჩუნებული იქნება კონკურსის ბოლომდე.
10. გაუთვალისწინებელი მიზეზებით გამოწვეული განრიგის ცვლილების შემთხვევაში, ყველა კონკურსანტი მზად უნდა იყოს დაუკრას შეცვლილი განრიგის მიხედვით.
11. მთელი კონკურსის განმავლობაში ნაწარმოების გამეორება არ შეიძლება.
12. პროგრამის ხანგრძლივობა არ უნდა აღემატებოდეს საკონკურსო პროგრამით გათვალისწინებულ მოთხოვნას. იმ შემთხვევაში, თუ წარმოდგენილი პროგრამა უარყოფილია ხანგრძლივობის გამო, მისი შეცვლა შესაძლებელია წარმოდგენიდან 1 კვირის ვადაში.
13. ჟიურის აქვს უფლება:
ა) კონკურსანტს ნებისმიერი მიზეზით შეაწყვეტინოს გამოსვლა.
ბ) არ გასცეს ან გაყოს პრემია
გ) წარმოადგინოს კონკურსში საკუთარი მოსწავლე ხმის უფლების გარეშე.

14. ჟიურის გადაწყვეტილება საბოლოოა და გასაჩივრებას არ ექვემდებარება.
15. კონკურსის მსვლელობის განმავლობაში კონკურსანტებს ან მათ ახლობლებს ჟიურის წევრებთან კონტაქტი ეკრძალებათ.
16. პრიზის მისაღებად ყველა გამარჯვებული ვალდებულია მიიღოს მონაწილეობა დახურვის საზეიმო ცერემონიალში. ფულადი პრემია გაიცემა საქართველოს ბანკის საშუალებით კონკურსის დამთავრებიდან 30 დღეში.
17. ყველა კონკურსანტი ვალდებულია თვითონ უზრუნველყოს გზის, სასტუმროს და კვების ხარჯები. კონკურსის ადმინისტრაცია , სურვილის შემთხვევაში, დაეხმარება სასურველი სასტუმროს შერჩევაში. ინფორმაციისთვის, გთხოვთ, მოგვწერეთ ელექტრონულ მისამართზე borjomicompetition@hotmail.com, ან დაგვირეკეთ: 577 214414.


ასაკობრივი კატეგორიები და გადასახადი



ასაკი კატეგორია გადასახადი
6-9 I 40 ლარი
10-12 II 60 ლარი
13-15 III 80 ლარი
16-25 IV 100 ლარი


საკონკურსო პროგრამა



I კატეგორია
ერთ ტურად
თავისუფალი პროგრამა.ხანგრძლივობა არაუმეტეს 10 წუთისა

II კატეგორია
ერთ ტურად
თავისუფალი პროგრამა.ხანგრძლივობა არაუმეტეს 15 წუთისა

III კატეგორია
ერთ ტურად
თავისუფალი პროგრამა.ხანგრძლივობა არაუმეტეს 20 წუთისა

IV კატეგორია
ორ ტურად

I ტური
თავისუფალი პროგრამა.ხანგრძლივობა არაუმეტეს 25 წუთისა
II ტური
თავისუფალი პროგრამა.ხანგრძლივობა არაუმეტეს 40 წუთისა
ამ კატეგორიაში სავალდებულოა ფ. შოპენის ერთი ნაწარმოების შესრულება.
მეორე ტურში გადადის არაუმეტეს 3 მონაწილისა.


პრემიები და პრიზები



I კატეგორია
I პრემია 400 ლარი
II პრემია 300 ლარი
III პრემია 200 ლარი
პრემიები იბეგრება
II კატეგორია
I პრემია 800 ლარი
II პრემია 400 ლარი
III პრემია 300 ლარი
პრემიები იბეგრება
III კატეგორია
I პრემია 1000 ლარი
II პრემია 800 ლარი
III პრემია 500 ლარი
პრემიები იბეგრება
IV კატეგორია
I პრემია 5000 ლარი
II პრემია 3000 ლარი
III პრემია 2000 ლარი
პრემიები იბეგრება

ჟიურის მიერ ასევე გაიცემა ფულადი ან სხვა სახის სპეციალური პრიზი, რაც გამოცხადდება კონკურსის საზეიმო დახურვის ცერემონიალზე.